2015 оны төсвийн тухай хууль болон холбогдох хуулиудад нэмэлт өөрчлөлт оруулах тухай хуулийн төслийг Сангийн сайд Ж.Эрдэнэбат УИХ-д өргөн барилаа. Эдийн засаг ирэх онд ч мөн сайжрах төлөв ажиглагдахгүй байгаа учраас 2015 оны төсвийн орлогыг бодитойгоор тооцох, батлагдсан хэмжээг бууруулах зайлшгүй шаардлага бий болоод байна. Иймээс 2015 оны батлагдсан төсвийн орлогыг бодитойгоор дахин төлөвлөх, урсгал болон хөрөнгийн зардлыг орлоготойгоо уялдуулан дахин тооцож, төсөвт тусгах зорилгоор 2015 оны төсвийн тодотголыг боловсруулжээ. Энэ оны хүлээгдэж буй гүйцэтгэлээр нэгдсэн төсвийн орлогын гүйцэтгэл төлөвлөснөөс нэг их наяд гаруй төгрөгөөр буурахаар байгаа аж. Мөн 12 дугаар сарын эхээр батлагдсан Засгийн газрын бүтэц, бүрэлдэхүүнтэй холбоотойгоор ирэх оны төсвийг тодотгох шаардлагатай байгаа юм.

Э.Нарантунгалаг

Холбоо барих: narantungalag.e@bloombergtvmongolia.com

minjma.g@bloombergtvmongolia.com