Төрийн үйлчилгээний арын албанд зүтгэдэг Төр засгийн үйлчилгээг эрхлэх газар өнөөдөр нээлттэй хаалганы өдөрлөг зохион байгуулж, өнгөрсөн нэг жилийн хугацаанд хийсэн ажлаа танилцууллаа. Тус газар нь 2012 оноос эхлэн хэрэгжүүлэгч агентлагаас улсын төсөвт үйлдвэрийн газар болж шинэ бүтэц, зохион байгуулалтаар ажилласнаар уламжлалт үйлчилгээнүүдээсээ гадна өртөг хэмнэсэн шинэ бүтээгдэхүүнүүд үйлдвэрлэж, зах зээлд нийцэх үйлчилгээнүүд нэвтрүүлжээ. Энэ онд улсын төсвийн хөрөнгө оруулалтаар засвар шинэчлэл, бүтээн байгуулалтын 13 нэрийн ажил гүйцэтгэж, туг далбааны, Led дэлгэцийн, бэлэг дурсгалын, кино үзвэрийн, мужаан цехийн үйлчилгээ шинээр нэмж хийсэн байна. Монгол Улсын Ерөнхийлөгч, УИХ, Засгийн газар, төрийн байгууллагуудаас зохион байгуулсан томоохон үйл явдлууд, гадаадын өндөр дээд хэмжээний зочдын төрийн ёслол хүндэтгэлийн арга хэмжээний арын албаны өндөр хариуцлагатай ажлыг Төр засгийн үйлчилгээг эрхлэх газар гүйцэтгэдэг бөгөөд Төрийн ордон, төрийн захиргааны найман төв байранд ажилладаг 20 гаруй байгууллагад цэвэрлэгээ үйлчилгээ, хангамж, байр ашиглалтын 30 орчим нэр төрлийн үйлчилгээ үзүүлдэг ажээ. 

Холбоо барих: minjma.g@bloombergtvmongolia.com