Монголбанкнаас арилжааны таван банкаар дамжуулан эрчим хүч үйлдвэрлэгч Төрийн өмчит 23 компанид нийт 80 тэрбум төгрөгийн зээл олгохоор шийдвэрлэснээс одоогийн байдлаар 41.7 тэрбум төгрөгийн зээлийг олгоод байгаа тухай Монголбанкнаас мэдээллээ. Эрчим хүч үйлдвэрлэгч дулааны цахилгаан станцуудад 8-24 тэрбум төгрөгийг хуваарилж олгох бол түгээх, дамжуулах үйл ажиллагаа явуулдаг аж ахуйн нэгжүүдэд үүнээс бага хуваарилалт хийжээ. Тухайлбал Улаанбаатар цахилгаан түгээх сүлжээ компанид таван тэрбум төгрөгийн санхүүжилтийг арилжааны банкуудаар дамжуулж хийхээр төлөвлөөд байгаа тухай Эрчим хүчний яамнаас мэдээлсэн байна. Энэхүү хөтөлбөрийн хүрээнд санхүүжилтийг хоёр жил хүртэлх хугацаанд хийхээр төлөвлөжээ. Санхүүжилтийг олгохдоо Монголбанкнаас арилжааны банкуудад олгох эх үүсвэрийн хүүг жилийн 0.5 хувийн хүүтэйгээр, арилжааны банкуудаас эрчим хүч үйлдвэрлэгчдэд олгох зээлийн хүүгийн маржины дээд хязгаарыг дөрвөн хувь байхаар заасан байна. Ингэснээр эцсийн зээлдэгчид очих хүүг жилийн 4.5 хувь байхаар заажээ.

Б.Дуламхорлоо

Холбоо барих: dulamkhorloo.b@bloombergtvmongolia.com

minjma.g@bloombergtvmongolia.com