Конгрессын Төлөөлөгчдийн танхим хоёр удаа итгэл үзүүлэхгүй гэж шийдсэн АНУ-ын түүхэн дэх анхны Ерөнхийлөгч Дональд Трамп болоод байгаа юм.

Түүнд итгэл үзүүлэхгүй байх тогтоолыг Төлөөлөгчдийн танхим баталсан бөгөөд одоо Сенатын шүүх хурал хүлээгдэж байна. Сенатын шүүх хурал хэзээ болох нь тодорхойгүй байгаа аж. Хэдий тийм боловч Дональд Трампыг эрх мэдлээ шилжүүлсний дараа түүнийг угтах гол асуудал болоод буй юм.

Дональд Трамп 2024 онд дахин сонгуульд нэр дэвших тухай яриа гараад байгаа бөгөөд хэрэв түүнийг гэмт буруутай гэж тогтоовол тэрбээр Холбооны Засгийн газарт дахин ямар ч албан тушаал хаших боломжгүй болохоос гадна жил бүрийн аяллын зардал, насан туршийн тэтгэвэр зэрэг Ерөнхийлөгчийн албыг хашиж байсан улс төрчдөд олгодог тэтгэмжүүдийг авах боломжгүй болох ажээ. Түүнд итгэл үзүүлэхгүй байх тогтоолыг нийт гишүүдийн гуравны хоёрын саналаар шийдвэрлэнэ.

Нэгдүгээр сарын зургаанд Конгрессын ордонд болсон эмх замбараагүй байдлыг өдөөн хатгаж, турхирсан хэргээр Дональд Трампт итгэл үзүүлэхгүй гэж Төлөөлөгчдийн танхим шийдвэрлээд байна.

Б.Төгсбилиг | @TugsbiligB

Холбоо барих: tugsbilig.b@bloombergtvmongolia.com

minjma.g@bloombergtvmongolia.com