Туркийн Төв банк голлох гурван төрлийн бодлогын хүүгээ хэвээр үлдээх шийдвэр гаргалаа. Тухайлбал нэг долоо хоногтой жишиг репо хүү 4.5 хувиас өөрчлөгдсөнгүй. Харин хүүгийн коридорийн дээд болон доод хязгаар болох овернайт зээлийн хүү 7.75 хувь, зээлийн хүү 3.5 хувьтай байна. Тус улсын Төв банкны зүгээс мөнгөний бодлогыг маш болгоомжтой хэрэгжүүлнэ гэдгээ мэдэгдээд байна. Мөн инфляци зорилтот түвшинд хүртэл тун хянамгай байна гэжээ. Наймдугаар сарын байдлаар Турк улсын инфляци 8.2 хувьтай байгаа юм. Энэ нь гурав дахь сардаа найман хувиас илүү гарсан дүн болжээ. Саяхан өсөж буй эдийн засагтай улс орнуудыг дайрсан “шуурганд” Турк ч өртөөд байна. Ингэснээр тус улсын бондын өгөөж ихээр өсч, лирийн ханш түүхэн доод түвшиндээ хүрсэн юм. АНУ-ын Холбооны нөөцийн банк худалдан авах хэмжээгээ бууруулах тухай мэдээ гарсан нь өсөж буй эдийн засагт улс орнуудын зах зээл том цохилт болоод байна.

Ж.Нямгэрэл

Холбоо барих: nyamgerel.j@bloombergtvmongolia.com

minjma.g@bloombergtvmongolia.com