Шударга өрсөлдөөн, хэрэглэгчийн төлөө газар энэ сараас эхлэн ашиг орлогоороо тэргүүлж буй номын жагсаалтыг анх удаа олон нийтэд мэдээллээ. Жагсаалтыг гаргахдаа Улаанбаатар хотын бүх номын дэлгүүрээс ирсэн борлуулалтын тоог харгалзан үзэж гаргасан байна. Борлуулалтаараа тэргүүлсэн 10 номноос зургаа нь дотоодын зохиолчдын бүтээл байгаа бол бусад дөрөв нь орчуулгын бүтээл байсан талаар Шударга өрсөлдөөн, хэрэглэгчийн төлөө газраас онцолсон байна. Шилдэг 10 номын нийт борлуулалт 2253 ширхэгт хүрснээс зохиолч Л.Сарантуяагийн “Тавилан” роман 530 ширхэг зарагдаж борлуулалтаараа тэргүүлжээ. Харин жагсаалтын хамгийн сүүлд буюу аравдугаарт 135 хувь борлогдсон С.Гантөмөрийн Алтангэрэл судар бичигдсэн байна. Эдгээр номын үнэ харилцан адилгүй буюу зургаан мянгаас 25 мянган төгрөгөөр борлуулагдаж байгаа ажээ. 

З.Энхболор 

Холбоо барих: enkhbolor.z@bloombergtvmongolia.com 

minjma.g@bloombergtvmongolia.com