Ирэх сарын дундуур “Оюу Толгой” төслийн хөрөнгө оруулагч талтай хийж буй хэлэлцээтэй холбоотой асуудлыг Засгийн газрын хуралдаанд танилцуулахаар ажлын хэсэг төлөвлөсөн байна.

“Оюу Толгой”-ийн гүний уурхайн бүтээн байгуулалт, санхүүжилтийн төлөвлөгөөг хоёр талын тохиролцоогоор цуцалж, нөхцөлийг нь сайжруулан дахин гэрээ байгуулах саналыг Засгийн газар “Rio Tinto”-д тавиад байна. Одоогийн төлөвлөгөөгөөр Монгол Улс 2051 он хүртэл ногдол ашиг хүртэхгүй, 22 тэрбум ам.долларын өртэй үлдэнэ гэсэн тооцооллыг ЗГХЭГ гаргасан юм.

“Rio Tinto” компани сүүлд гаргасан тайландаа “Оюу Толгой” төслийг тойрсон асуудлуудыг шийдэж, оролцогч талуудын хүртэх өгөөжийг нэмэгдүүлэх асуудлаар Монгол Улсын Засгийн газартай идэвхтэй яриа хэлэлцээ өрнүүлж байна гэж дурдсан байна.

Б.Батцэцэг

Холбоо барих: battsetseg.b@bloombergtvmongolia.com

minjma.g@bloombergtvmongolia.com