Поташ олборлолтоор дэлхийд тэргүүлдэг ОХУ-ын “Uralkali” компани Энэтхэгийн “Indian Potash Limited” компанид бүтээгдэхүүн нийлүүлэх гэрээ байгууллаа.

Энэтхэгт бордооны импортоор тэргүүлэгчдийн тоонд ордог тус компани 2020 оны туршид боомтод хүргэх нөхцөлтэйгөөр нэг тонн поташийг 230 ам.доллароор авахаар тохиролцсон байна. Поташ нь бордоо үйлдвэрлэхэд ашигладаг эрдэс юм.

“Uralkali”-ийн хувьд зах зээлийн өнөөгийн байдлыг харгалзан үзсэн үнийн нөхцөлийг санал болгожээ. Тус компани ОХУ-д таван уурхай, хүдэр боловсруулах долоон үйлдвэртэй юм байна.

М.Золбоо | @Manlaizolboo

Холбоо барих: zolboo.m@bloombergtvmongolia.com

minjma.g@bloombergtvmongolia.com