ОХУ-ын орон нутгийн сонгууль тус улсын Ерөнхийлөгч Владимир Путин болон эрх баригч "Нэгдсэн Орос" намд дүн тавих санал асуулга болж хувирлаа.

Ням гарагт болсон санал хураалтын урьдчилсан дүнгээр эрх баригч нам давуу байсан ч хэд хэдэн бүс нутагт сөрөг хүчнийхэн хүчтэй өрсөлдлөө. Сүүлийн жилүүдэд иргэдийн орлого нэмэгдээгүй, хийгдэж буй реформууд төдийлөн олны талархлыг хүлээхгүй байгаа үед ийм үр дүн гарч байгаа гэдгээрээ онцлог юм. Түүнчлэн энэ зун Москва хотын зөвлөлийн сонгуулиар болсон жагсаал нь Владимир Путиныг Ерөнхий сайдаар дөрвөн жил ажилласныхаа дараа буюу 2012 онд Ерөнхийлөгч болсноос хойших хамгийн том жагсаалд тооцогдож байна. Сөрөг хүчнийхэн сонгуулийн хэд хэдэн дүүрэгт хэвийн бус зүйл ажиглагдсан хэмээн хардаж байгаа ч санал хураалт асуудалгүй явагдсан болохыг тус улсын хэвлэлүүд мэдээлжээ.

Судалгаагаар ОХУ-ын хүн амын талаас бага хувь нь Засгийн газрынхаа үйл ажиллагаанд сэтгэл хангалуун байгаагаа илэрхийлжээ. Харин өнгөрсөн онд тэтгэврийн шинэчлэл хийснээс хойш олон нийт дунд Владимир Путины рейтинг буурч, 2014 онд Украинаас Крымийг авснаас хойших хамгийн доод түвшинд ирээд байна.

Б.Төгсбилиг | @TugsbiligB

Холбоо барих: tugsbilig.b@bloombergtvmongolia.com

minjma.g@bloombergtvmongolia.com