ОХУ-ын Ерөнхийлөгч Владимир Путин “Wikipedia”-ийг ОХУ-ын нэвтэрхий толийн онлайн хувилбараар солих санал гаргалаа. Энэ төслийг санхүүжүүлэхэд 27 сая ам.доллар зарцуулах ба 2020-2022 оны хооронд гүйцэтгэхээр тооцжээ. Өнгөрсөн баасан гарагт ОХУ-д "Бие даасан интернетийн хууль" хэрэгжиж эхэлсний дараа Ерөнхийлөгч В.Путин энэ мэдэгдлийг хийсэн байна. Шинэ хуулиар ОХУ олон улсаас тусдаа, бие даасан интернетийн сүлжээтэй болох юм. Тодруулбал тус улсын хэрэглэгчид интернет ашиглахын тулд тусгай тоног төхөөрөмж суурилуулах шаардлагатай болж байгаа аж. “Хууль цаашид эрх баригчдад интернетийг цензурдэх боломж олгож байна” гэх шүүмжлэлд өртөөд байгаа ч Кремль “Кибер дайралтаас хамгаалах арга хэмжээ гэж” тайлбарлаж байна.

Э.Ундрам

Холбоо барих: undram.e@bloombergtvmongolia.com

uyanga.m@bloombergtvmongolia.com