Олон улсын Валютын Сангийн Захирлуудын зөвлөл дүрмийн IV заалтын 2019 оны зөвлөлдөх яриа хэлэлцээг дүгнээд байна.

Энэхүү дүгнэлтэд Олон улсын Валютын Сангийн захирлууд Монгол Улсын мөнгөний бодлого инфляцийг тогтворжуулах болон гадаад тэнцвэргүй байдлыг шийдвэрлэхэд төвлөрөх хэрэгтэйг тэмдэглэсэн юм. Мөн эрх баригчдыг хэрэв шаардлагатай бол бодлогын төлөвийг чангаруулахад бэлэн байх ёстойг зөвлөлөө. Хамгийн сүүлд Монголбанкны Мөнгөний бодлогын хороо бодлогын хүүг 11 хувьд хэвээр хадгалах шийдвэр гаргасан бөгөөд учир нь инфляци цаашид зорилтот түвшинд хадгалагдах төлөвтэй байна гэж үзээд байна.

Үүнээс гадна Олон улсын Валютын Сангаас валютын ханшийг илүү уян хатан байлгах нь гадаад секторын тэнцвэргүй байдлыг шийдвэрлэх, валютын нөөцийг нэмэгдүүлэхэд дэмжлэг үзүүлнэ гэж үзлээ.

Харин Төв банк ханшийг тогтвортой барих бус, алгуурхан гадаад шокийн сөрөг нөлөөг шингээх замаар валютын хөвөгч ханшийн дэглэмийг цаашид баримтална гэж мэдээлсэн юм.

Б.Бямбасүрэн| @byambasuren_b

Холбоо барих: byambasuren.b@bloombergtvmongolia.com

minjma.g@bloombergtvmongolia.com