Америкийн кино Академийн дээд шагнал “Оскар” гардуулах ёслолын ажиллагааны үеэр зар сурталчилгаа цацах төлбөр урьд өмнө байгаагүй дээд хэмжээнд хүрч, өссөн байна. Харин “Оскар”-ын үзэгчдийн тоо энэ жил 34.4 сая болсон нь 2008 оноос хойших хамгийн доод түвшинд тооцогдож байгаа юм. 88 дахь удаагийн Академийн шагнал гардуулах ёслолын ажиллагааг үзэж байгаа 1000 үзэгч тутамд 30 секундын сурталчилгаа хүргэхийн тулд компаниуд 58.1 ам.доллар төлсөн байна. Үүнийг “Super Bowl”-ийн сурталчилгааны үнэ 44.6 ам.доллар байсантай харьцуулахад хэтэрхий өндөр дүн болж байгаа аж. Энэ оны "Шилдэг"-ийн төрөлд өнгөт арьстан жүжигчин нэр дэвшээгүй нь хүний эрхийн байгууллагуудаас ихээхэн шүүмжлэл дагуулсан бөгөөд энэ нь үзэгчдийн тоо буурахад тодорхой хэмжээнд нөлөөлжээ.

Э.Эрдэнэтуяа

Холбоо барих: erdenetuya.e@bloombergtvmongolia.com

minjma.g@bloombergtvmongolia.com