“Эдийн засгийн ойрын ирээдүй өөдрөг байгаа ч 2019-2020 он нь дунд, урт хугацааны сорилтуудыг амжилттай даван туулахад бэлтгэх хугацаа” гэж Монголбанкны Ерөнхийлөгч Н.Баяртсайхан онцоллоо.

Мөн тэрбээр эдийн засгийн дунд хугацааны эмзэг байдлыг “Урсгал тэнцлийн алдагдал өндөр байгаа, гадаад өрийн хэмжээ 28.7 тэрбум ам.доллар буюу дотоодын нийт бүтээгдэхүүний 220.5 хувьтай тэнцэх түвшинд хүрсэн ч гадаадын хөрөнгө оруулалтыг татаж, нутагшуулах тууштай бодлого дутагдаж байгаа” гээд "Энэ нь дунд хугацааны гадаад тэнцлийн тогтвортой байдалд санаа зовоход хүргэж байна" гэсэн юм.

Азийн хөгжлийн банк сүүлд гаргасан тайландаа “Монгол Улсын эдийн засаг түүхий эдийн үнийн савлагаа, БНХАУ-ын эдийн засгийн өсөлтийн удаашрал зэрэг гаднын сөрөг хүчин зүйлүүдэд мэдрэмтгий хэвээр байна” гэж онцолсон байна.

"Эдийн засгийн эмзэг байдлыг бууруулахын тулд бүтцийн өөрчлөлтийн бодлого хэрэгжүүлэх шаардлагатай" гэж Олон Улсын Валютын Сан зөвлөж байсан юм.

Б.Бямбасүрэн| @byambasuren_b

Холбоо барих: byambasuren.b@bloombergtvmongolia.com

minjma.g@bloombergtvmongolia.com