Дэлхийд хөрөнгийн хэмжээгээрээ тэргүүлэгч Норвегийн Баялгийн сан III улиралд 2.3 тэрбум ам.доларын ашигтай ажилласан байна. Хөрөнгө оруулалтын өгөөжийг задлаад харвал хөрөнгийн зах зээлийн өгөөж 0.5 хувь буурсан бол бондын өгөөж 0.9 хувь, үл хөдлөх хөрөнгийн өгөөж 1.5 хувиар өсчээ. Тус сангаас мэдээлснээр геополитикийн асуудал болон Евробүсийн эдийн засгийн уналт тус бүс нутгийн хөрөнгийн зах зээлээс олох ашгийг бууруулсан байна. Мөн Евробүсэд бодлогын хүү түүхэн доод түвшиндээ байгаа учраас энэ зах зээлээс олох хөрөнгө оруулалтын өгөөжөө нэмэгдүүлэхэд хүндрэл учирсан байна. Мөн Норвегийн Баялгийн сан хөрөнгө оруулалтынхаа 60 хувийг хөрөнгийн зах зээлд, 35 хувийг бондод харин үлдсэн таван хувийг үл хөдлөх хөрөнгийн салбарт оруулахаар болжээ.

Н.Алтан

Холбоо барих: altan.n@bloombergtvmongolia.com

minjma.g@bloombergtvmongolia.com