Энэ оны хоёрдугаар сарын байдлаар нийслэлийн хэмжээнд хаус болон таун хаусны 115 төсөл хэрэгжиж байна. Үүнээс 89 төсөл захиалга авч байгаа аж.

Харин баригдахаар төлөвлөгдөж байгаа хаусны 23 төсөл байгааг “Тэнхлэг зууч”-аас мэдээллээ. Нийт төслийн 54.4 хувь нь ашиглалтад орсон байна.

Харин 45.6 хувь нь 2021-2022 онд ашиглалтад орох хүлээлттэй байгаа юм. Хоёрдугаар сарын байдлаар хаусны дундаж үнэ нэг метр квадрат нь 2.4 сая төгрөг хүрч, өмнөх сараас тав орчим хувиар өсжээ.

Хаус болон таун хаусны төсөл зургаан дүүрэгт хэрэгжиж байгаагаас Баянзүрх дүүрэгт хамгийн өндөр үнэтэй байна. Тухайлбал: тус дүүрэгт таун хаусны нэг метр квадрат нь 4.9 сая төгрөгөөр захиалга авч байгаа юм.

Э.Одончимэг

Холбоо барих: odonchimeg.e@bloombergtvmongolia.com

minjma.g@bloombergtvmongolia.com