Мьянмарын Төрийн эрхэнд гараад байгаа цэргийнхэн интернэт холболтоо шөнийн цагаар хаах үүргийг харилцаа холбооны компаниудад өгсөн байна.

Ингэснээр Төрийн эргэлтийг эсэргүүцсэн жагсаалыг дарж буй эрх баригчдын хувьд баривчилгаа хийх нь илүү хялбар болж байна. Мөн нийслэл Янгонд олон тооны хуягт автомашин эргүүлд гарсныг хэвлэлүүд мэдээлжээ. Тус улсад хоёрдугаар сарын нэгэнд гарсан Төрийн эргэлтийг эсэргүүцэгчид жагссаар байгаа юм.

Одоогоор сөрөг хүчний тэргүүн Аун Сан Су Чи тэргүүтэй 400 гаруй хүнийг баривчлаад байна. Энэ тоо өссөөр байгаа аж. Ням гарагт АНУ, Их Британи, Канад зэрэг улсын Элчин сайд нар цэргийнхэнд хандан хүч хэрэглэхээс зайлсхийхийг уриалжээ. Мөн харилцаа холбоог тасалдуулж, хүмүүсийг олноор баривчилж байгааг нь буруушаасан байна.

О.Адьяасүрэн

Холбоо барих: adiyasuren.o@bloombergtvmongolia.com

minjma.g@bloombergtvmongolia.com