Монгол Улсад цар тахал анх гарснаас хойш үүрэн холбооны оператор компаниуд үүрэн холбооны станцуудын сүлжээний тасралтгүй үйл ажиллагааг бүрэн ханган ажиллаж байна.

Мөн хэрэглэгчдийн дата үйлчилгээний багтаамжийг нэмэгдүүлэх, өрхийн интернэтийн суурь хураамжийг 50 хувь, багцын үйлчилгээний суурь хураамжийг 60-100 хувь хүртэл хөнгөлөх арга хэмжээг хэрэгжүүлж байгаа аж.

Мэдээлэл холбооны операторуудын ассоциацийн мэдээлснээр гуравдугаар сарын байдлаар шинээр багц үйлчилгээнүүдийг нэвтрүүлэн нийт 375 сая төгрөгийн хөнгөлөлт үзүүлж, 14 орны олон улсын ярианы тарифыг 70 төгрөг болгон бууруулсан байна. Мөн 18 тэрбум төгрөгийн өртөг бүхий 847 сая гаруй сэрэмжлүүлэг мессежийг үнэгүй илгээжээ.

Үүнээс гадна IPTV-нүүд үзэгчдээс долоон сая гаруй хандалт авч, 39.6 тэрбум төгрөгийн өртөг бүхий кино контентыг үнэ төлбөргүй үзүүлсэн байна.

Б.Ариунболд

Холбоо барих: ariunbold.b@bloombergtvmongolia.com

minjma.g@bloombergtvmongolia.com