Монголын Хөрөнгийн биржид давхар бүртгүүлсэн “Erdene Resource Development” компанийн анхдагч зах зээлийн захиалга өнөөдөр хаагдана. Лхагва гарагийн байдлаар анхдагч зах зээлийн захиалгад 1.7 сая ширхэг үнэт цаасыг 1.13 тэрбум төгрөгөөр худалдан авах санал хүлээн авсан талаар Монголын Хөрөнгийн бирж мэдээлэв.

Тус компанийн хоёрдогч зах зээлийн арилжаа зургаадугаар сарын 18-нд эхэлнэ. “Erdene Resource Development” компани нийт дөрвөн сая ширхэг энгийн хувьцаа гаргаж, 1.36 сая канад доллар буюу 2.56 тэрбум төгрөг татан төвлөрүүлэхээр төлөвлөж байгаа юм.

Торонтогийн Хөрөнгийн биржид “Erdene Resource Development”-ийн хувьцааны ханш лхагва гарагийн арилжаа хаагдах үед зургаан хувиар өслөө. Монголын Хөрөнгийн биржид давхар бүртгүүлснээс хойш тус компанийн хувьцааны ханш 29 хувиар чангарсан байна.

Т.Элиса

Холбоо барих: elisa.t@bloombergtvmongolia.com

minjma.g@bloombergtvmongolia.com