Дэлхийн банкнаас жил бүр тээврийн логистикийн талаар хийдэг судалгаанд Монгол Улс 155 орноос индексээрээ 140 дугаарт орсон байна. Энэ талаар “Монголын тээврийн логистик: өнөөгийн байдал, цаашдын хөгжил” сэдэвт онол практикийн бага хурлын үеэр онцоллоо. Энэхүү хурлыг УИХ-ын даргын захирамжаар байгуулагдсан дамжин өнгөрөх тээвэр, логистикийн талаар бодлого боловсруулах ажлын хэсэг болон УИХ-ын Эдийн засгийн байнгын хороо, Худалдаа аж үйлдвэрийн танхим болон бусад байгууллагууд хамтран зохион байгууллаа. Онол практикийн бага хурлын үеэр УИХ-ын гишүүн, ажлын хэсгийн ахлагч Г.Батхүү “Монгол Улсын хувьд байгалийн асар их баялагтай Сибирийн бүсийг БНХАУ-ын аж үйлдвэрийн бүсүүдтэй холбох эдийн засгийн харилцааны гол гүүр болох бодлогыг тууштай баримтлах замаар тээврийн дэд бүтэц, нефть, хийн хоолой, холбооны болон эрчим хүчний сүлжээний томоохон төслүүдийг хэрэгжүүлэх асуудал чухлаар тавигдаж байгааг” онцолсон байна.

З.Энхболор

Холбоо барих: enkhbolor.z@bloombergtvmongolia.com

minjma.g@bloombergtvmongolia.com