Их эзэн Чингис хааны мэндэлсэн буюу "Монгол бахархлын өдөр"-ийг тохиолдуулан жил бүр улс орныхоо тусгаар тогтнол, бүрэн эрхт байдал, үндэсний эв нэгдлийг бататган бэхжүүлэх, төрт ёс, түүх соёлынхоо уламжлалыг гүнзгий судалж, хойч үедээ өвлүүлэх, тэдгээрийг дэлхий дахинд сурталчлан таниулах үйлсэд үнэтэй хувь нэмэр оруулж, Төр, нийгэм, үндэстний өмнө онцгой гавьяа байгуулсан нэг иргэнийг Монгол Улсын Төрийн дээд шагнал- тэргүүн зэргийн одон “Чингис хаан” одонгоор шагнадаг уламжлалтай. Энэ удаад Монгол Улсын Соёлын гавьяат зүтгэлтэн Г.Мэнд-Ооёо Монгол Улсын Төрийн дээд шагнал-тэргүүн зэргийн одон “Чингис хаан” одонг хүртлээ. Ингэснээр яруу найрагч Г.Мэнд-Ооёо “Чингис хаан” одон хүртсэн ес дэх эрхэм болсон юм. Түүний шагналыг Монгол Улсын Ерөнхийлөгч Ц.Элбэгдорж гардуулж, ёслолын ажиллагаанд УИХ-ын дарга З.Энхболд, Ерөнхий сайд Ч.Сайханбилэг тэргүүтэй хүмүүс оролцлоо. “Чингис хаан” одон гардуулах ёслолын арга хэмжээний дараа Их эзэн Чингис хааны хөшөөнд хүндэтгэл үзүүлэх ёслол болов.

Э.Нарантунгалаг

Холбоо барих: narantungalag.e@bloombergtvmongolia.com

minjma.g@bloombergtvmongolia.com