Эдийн засгаа эргэн нээж буй энэ өдөр Засгийн газрын тэргүүн Л.Оюун-Эрдэнэ “коронавирус”-ийн эсрэг вакцинжуулалтын эхний тунг хийлгэлээ.

Ингэснээр вакцинжуулалт албан ёсоор эхэлж байна. Монгол Улсад БНЭУ-аас “AstraZeneca”-ийн 150 мянган тун вакциныг даваа гарагт хүлээн авсан бөгөөд Ерөнхий сайд энэхүү вакциныг хийлгэлээ.

Өнөөдөр БНХАУ “Sinopharm”-ийн 300 мянган тун вакциныг Монгол Улсад хүлээлгэж өгсөн юм. Дэлхийн Эрүүл Мэндийн Байгууллагаас зөвшөөрөл авмагц иргэдээ вакцинжуулахаар төлөвлөж байна. Ерөнхий сайдын хувьд Монгол Улс Азид вакцинжуулалтаа эхлүүлсэн эхний орнуудын нэг болж байгааг тодотгоод вакцинжуулалтад идэвхтэй хамрагдахыг иргэдэд уриаллаа.

Ерөнхий сайд Л.Оюун-Эрдэнэ

Б.Бямбасүрэн | @byambasuren_b

Холбоо барих: byambasuren.b@bloombergtvmongolia.com

minjma.g@bloombergtvmongolia.com