Улсын хэмжээнд барилгын материалын 700 гаруй үйлдвэр ажиллаж байна. Үүнээс цементийн таван үйлдвэр ажиллаж байгааг Монголын барилгын материал үйлдвэрлэгчдийн холбоо мэдээлсэн юм.

2020 онд Монгол Улс нийт 157.9 мянган тонн цемент импортолжээ. Цементийн үнэ нэг тонн нь дунджаар 188 мянга орчим төгрөг байна. Үйлдвэрлэгчид өнгөрсөн онд 1.5 сая тонн цемент үйлдвэрлэсэн бол 2021 онд 2.2 сая тонныг үйлдвэрлэхээр төлөвлөж байгаа аж.

Түүнчлэн арматурын хэрэглээ жилд 350 мянган тонн байдаг байна. Арматурын дундаж үнэ зах зээлд нэг тонн нь 2.1 сая төгрөг байна. 2021 онд нийт хэрэглээний 80 хувийг импортоор авах төлөвтэй байгаа ажээ.

“Импортын барилгын материалын чанар, стандартад онцгой хяналт тавих шаардлагатай” гэж Монголын барилгын материал үйлдвэрлэгчдийн холбооны Гүйцэтгэх захирал О.Лхагвадорж онцолж байна.

Монголын барилгын материал үйлдвэрлэгчдийн холбооны Гүйцэтгэх захирал О.Лхагвадорж

Б.Цацралт

Холбоо барих: tsatsralt.b@bloombergtvmongolia.com

minjma.g@bloombergtvmongolia.com