УОК Мягмар гарагт буюу өнөөдөр иргэдийн хөл хөдөлгөөн, зорчсон автомашины тоо нэмэгдсэнтэй холбоотой нийтийн тээврийн явах цагийг богиносгож 07:00-10:00 цаг, 17:00-20:00 цаг болгож өөрчиллөө. Хөл хөдөлгөөн нэмэгдэж байгаа нь эрсдэл дагуулж байна гэж үзэж ийнхүү шийдсэн. Мөн төрийн байгууллагуудыг 15-20 хувийн хүчин чадлаар ажиллуулах шийдвэр гаргалаа. Ажлын шаардлагаар хөдөлгөөнд оролцож буй иргэд ажлын үнэмлэхээс гадна албан байгууллагын тодорхойлолт шаардахаар болсон байна. Хөл хөдөлгөөнийг 90 хүртэл хувиар хязгаарлаж чадвал тархалтыг хязгаарлахад өндөр үр дүнтэй байсныг олон улсын байгууллагуудын судалгаа, мэдээлэл, туршлага харуулжээ. Зарим асуудлуудыг маргааш Засгийн газрын хурлаар оруулж шийдүүлэх юм байна.

Б.Бямбасүрэн

холбоо барих: byambasuren.b@bloombergtvmongolia.com

uyanga.m@bloombergtvmongolia.com