Дэлхий даяар цахилгаан автомашинд шилжих шилжилт эрчимтэй явагдаж байна. Үүнийг дагаад дотоодод ч гэсэн цахилгаан автомашины зах зээлд ахиц гарч байна.

Хоёрдугаар сарын байдлаар нийт 3405 суудлын автомашин импортолсон дүнтэй байгааг Монголын автомашины дистрибьютерүүдийн ассоциаци мэдээлж байсан юм. Үүнээс 16 нь цахилгаан автомашин байгаа аж. Түүнчлэн Улаанбаатар хотын удирдлагуудын зүгээс цахилгаан автомашиныг дугаарын хязгаарлалтгүй зорчуулах, нэгдүгээр эгнээгээр зорчих, зам ашигласны төлбөр төлөхгүй байх зэрэг зохицуулалтуудыг хийгээд байна.

Мөн энэ салбарт үйл ажиллагаа явуулж буй “BYD” брэндийн Монгол дахь төлөөлөгч Б.Баярманлай "Хотын хэрэгцээнд нийцсэн цахилгаан автомашин нийлүүлэхэд анхаарч буйгаа" онцолж байлаа. Хэдий тийм боловч цахилгаан автомашины хэрэглээ дэлгэрэхэд тулгарч буй хэд хэдэн асуудал байгаа аж. Үүнд цэнэг хураагуур цэнэглэх төвийн дэд бүтэц, цаг уурын орчин, өндөр үнэтэй зэрэг хүчин зүйлс нөлөөлж байгаа юм.

Энэ талаар Монголын автомашины дистрибьютерүүдийн ассоциацийн Гүйцэтгэх захирал С.Баасанбаяр "Дэд бүтцийг сайжруулж, цэнэглэх станцуудыг хүрэлцээтэй болгох хэрэгтэй" гэж байр сууриа илэрхийлсэн юм.

МАДА ТББ-ын Гүйцэтгэх захирал С.Баасанбаяр

М.Эрхэс | @ErkhesMunkhbat

Холбоо барих: erkhes.m@bloombergtvmongolia.com

minjma.g@bloombergtvmongolia.com