“Магнай трейд”, “Жаст Ойл” компаниуд автобензин, дизелийн түлшний жижиглэн худалдаалах үнийг төрөл тус бүр дээр нь 50 төгрөгөөр нэмэгдүүлснээ буцаан буулгахаар болжээ.Есдүгээр сарын 27-ны өдрөөс автобензин, дизелийн түлшний жижиглэн худалдаалах үнийг 50 төгрөгөөр нэмэгдүүлсэн үйлдлийг Шударга өрсөлдөөн хэрэглэгчийн төлөө газраас "Өрсөлдөөний тухай" хуулийг зөрчсөн гэж үзэн “Магнай трейд”, “Жаст Ойл” компаниудад албан шаардлага хүргүүлсэн юм. Харин өнөөдрөөс автобензин, дизелийн түлшийг нэг литр тутамд хуучин үнээр нь борлуулах бөгөөд тухайлбал А-92 шатахууныг 1620 төгрөгөөр борлуулахаар болсон байна. Энэ талаар Газрын тосны газраас "Магнай трейд", "Шунхлай" компаниуд шатахууны үнээ буцаагаад 50 төгрөгөөр буулгахаар болсон" гэж мэдээлсэн байна. Уул уурхайн яам, Газрын тосны газраас дээрх компанийн удирдлагуудтай уулзаж үнээ буулгавал Засгийн газраас хэрэгжүүлж буй хөнгөлөлттэй валют олгох хөтөлбөрт оролцуулах талаар тохиролцжээ.

Холбоо барих: minjma.g@bloombergtvmongolia.com