"Лэндмн" компанийн хувьцааг сонирхож байгаа хөрөнгө оруулагчдын идэвх өндөр байгааг компани онцоллоо. Өнөөдөр тус компани үнэт цаасны танилцуулгаа олон нийтэд нээлттэй зохион байгуулж, 580 орчим хүн оролцсон байна. Бичил хэрэглээний зээлийн хувьд зах зээлийн багтаамж дунджаар 900 тэрбум төгрөг гэж "Мирэ Эссет Секьюритис" үнэт цаасны компани тооцоолсон байна. Харин "Лэндмн" компани 2018 онд 196 тэрбум төгрөгийн зээл олгож, 20 тэрбум төгрөгийн зээлийн үлдэгдэлтэй байхаар төлөвлөж байгаа юм. Компанийн хувьцааны захиалга энэ сарын 21-ээс гуравдугаар сарын 7 хүртэл үргэлжилнэ гэж андеррайтер компани нь мэдээлсэн. Хувьцааны захиалгыг гар утаснаасаа хийх боломжтой гэдгээрээ өмнө нь гарч байсан IPO-үүдээс онцлогтой юм.

Б.Дөлгөөнзул

Холбоо барих: Dulguunzul.b@bloombergtvmongolia.com

Tsatsralt.b@bloombergtvmongolia.com