NBA-ийн өнөө цагийн шилдэг тоглогчдын нэг Леброн Жэймс “Comcast” компанийн “Universal” студитэй дөрвөн жилийн гэрээ байгуулсан байна. Хамтын ажиллагааны хүрээнд алдарт сагсан бөмбөгчний продюсингийн “Springhill” компанитай хамтран спортын болон соёл урлагийн төслүүд, мөн кино уран бүтээлүүд дээр ажиллах юм байна. Талууд NBA-ийн 3 удаагийн аварга Леброн Жэймсийн амьдралаас сэдэвлэн бичсэн "Shooting Stars" гэх номыг дэлгэцийн бүтээл болгох ажилдаа оржээ. “Los Angeles Lakers” багийн супер од Леброн Жэймс энэ оны эхээр “Springhill” компаниа багийн найзтайгаа хамтран 100 сая ам.долларын хөрөнгө оруулалтаар үүсгэн байгуулсан. Мөн түүний тоглосон “Warner Bros” студийн "Space Jam" кино ирэх онд нээлтээ хийхээр төлөвлөгджээ.

М.Эрхэс

Холбоо барих: erkhes.m@bloombergtvmongolia.com

uyanga.m@bloombergtvmongolia.com