Лондоны тансаг зэрэглэлийн сууцууд хоёр сарын турш эзэнгүй, хоосон байсныг “LonRes” судалгааны байгууллага тайландаа онцоллоо. Цар тахлын үед аялал, жуулчлал бүрэн зогсож, оффисын ажилтнууд гэрээсээ ажиллах болсноор тансаг зэрэглэлийн байр түрээслэх иргэдийн тоо эрс буурчээ.

Улмаар сууц өмчлөгчид түрээсийн төлбөрөө 2020 онд 75 хүртэл хувиар бууруулсан байна. Хэдий тийм боловч Их Британид халдварын нөхцөл байдал хүнд хэвээр байгаа учир хөл хориогоо дахин чангатгаад байгаа юм. Улмаар түрээсийн төлбөр ирэх саруудад ч буурах магадлалтай байна.

Түүнчлэн оффисын ажилтнууд зайнаас ажиллах болсонтой холбоотойгоор шилжин суурьшиж, илүү том цэцэрлэг, талбайтай сууцанд амьдрах болсон байна. 12 дугаар сард тансаг зэрэглэлийн сууц түрээсэлсэн иргэдийн тоо гэхэд өмнөх оны мөн үеэс 14 хувиар буурчээ.

С.Өнөрсайхан

Холбоо барих: unursaikhan.s@bloombergtvmongolia.com

minjma.g@bloombergtvmongolia.com