Олон улсын валютын сангийн тэргүүн Кристин Лагард “Дэлхийн эдийн засаг бага багаар сэргэж байна” гэж мэдэгджээ. Түүний хэлснээр, 2008 онд болсон санхүүгийн хямралын дараа улс орнуудын эдийн засгийг эргэн сэргэж байгаа байдлаар нь гурав ангилж болохоор байгаа ажээ. Эдийн засаг нь хамгийн удаан сэргэж байгаа орнуудын тоонд Евро бүсийн улсууд болон Япон орсон байна. “Эдгээр улсууд эдийн засгаа хурдацтай хөгжүүлэхийн тулд мөнгөний бодлогодоо өөрчлөлт оруулах хэрэгтэй” гэж Кристин Лагард үзэж байгаагаа онцоллоо. Харин АНУ, Швед болон Австрали улсын эдийн засгийн сэргэлт дунд үедээ явж байгаа юм байна. Бага орлоготой улсууд эдийн засаг нь хамгийн хурдацтай сэргэж байгаа орнуудын ангилалд багтаад байгаа бөгөөд Ази болон Африкийн Сахарын бүсийн орнуудын эдийн засаг хурдацтай өсөж байгаа аж. Түүнчлэн дээрх улсууд сүүлийн таван жилийн хугацаанд дэлхийн эдийн засгийн өсөлтийн 75 хувийг бүрдүүлсэн байна. 

Ж.Нямгэрэл 

Холбоо барих: nyamgerel.j@bloombergtvmongolia.com 

 minjma.g@bloombergtvmongolia.com