Нэгдүгээр сарын хоёрны өдөр 5807 хүнд PCR шинжилгээ хийхэд 21 хүний сорьцод “коронавирус”-ийн халдвар илэрч, улсын хэмжээнд нийт батлагдсан тохиолдол 1263 болсон байна.

Тухайлбал: Баянзүрх дүүргийн Нэгдсэн эмнэлэг болон Хавдар судлалын үндэсний төвийн батлагдсан тохиолдлын ойрын хавьтлаар тусгаарлагдсан 19 хүний 2-3 дахь давтан шинжилгээнд “коронавирус”-ийн халдвар илэрсэн байна. Шинээр илэрсэн тохиолдлууд бүгд Улаанбаатар хотод бүртгэгдсэнийг Эрүүл мэндийн яам мэдээллээ. Ийнхүү Улаанбаатар хотын батлагдсан кластер тохиолдлын тоо 450 боллоо. Өнөөдрийн байдлаар дотоодод тархсан халдварын тохиолдол улсын хэмжээнд 776 болоод байна. Харин бусад аймагт шинэ тохиолдол бүртгэгдээгүй.

Сүүлийн нэг хоногт 14 хүн эмчлэгдэн эмнэлгээс гарсан бөгөөд нийт 869 хүн эдгэрчээ. Одоогоор 384 өвчтөн эмчлэгдэж байна. Хоёр хүний биеийн байдал маш хүнд, есөн хүн хүнд, 104 хүн хүндэвтэр байгаа бол 269 хүний биеийн байдал хөнгөн байгаа ажээ.

Б.Төгсбилиг | @TugsbiligB

Холбоо барих: tugsbilig.b@bloombergtvmongolia.com

minjma.g@bloombergtvmongolia.com