Дэлхий дахинд суурин компьютерийн эрэлт буурсан хэвээр байна. “IDC" байгууллагын мэдээлснээр өнгөрсөн улиралд нийт компьютерийн борлуулалт 2.4 хувиар буурчээ. Гэхдээ энэ нь шинжээчдийн таамгаас харьцангуй бага хувиар агшсан үзүүлэлт болсон байна. Энэ хугацаанд дэлхийн зах зээлд нийт 80.8 сая ширхэг компьютер худалдаалагджээ. Үүнийг 2013 оны мөн үетэй харьцуулахад 1.4 саяар буурсан дүн болсон гэж “IDC" судалгааны байгууллагаас мэдээллээ. Ингэснээр 2014 оны нийт борлуулалт 308.6 сая буюу өнгөрсөн оны мөн үеэс 2.1 хувиар буураад байна. Сүүлийн жилүүдэд хэрэглэгчид ухаалаг утас, таблет гэх мэт зөөврийн төхөөрөмж хэрэглэх болсон нь компьютерийн эрэлтэд сөргөөр нөлөөлөх болжээ. Түүнчлэн бизнесийн байгууллагууд эдийн засгийн нөхцөл байдлаас хамааран шинээр төхөөрөмж авах эрэлт нь буурсан байна. Тайлант хугацаанд “Lenova" компани 16 сая ширхэг компьютер борлуулсанаар зах зээлд тэргүүлэгчийн байр сууриа хадгалсан бол үүний араас “Apple" болон “Hewlett Packard" компани бичигдлээ.

Э.Эрдэнэтуяа

Холбоо барих: erdenetuya.e@bloombergtvmongolia.com

minjma.g@bloombergtvmongolia.com