АНУ-ын Калифорни муж 2035 оноос эхлэн дотоод шаталтат хөдөлгүүртэй автомашин худалдахыг бүрэн хориглохоор боллоо.

Хүлэмжийн хийн ялгарлаа бууруулахаар эрмэлзэж буй тус мужийн захирагч лхагва гарагт энэхүү захирамжид гарын үсэг зурсан байна. 15 жилийн дараагаас хэрэгжих энэхүү захирамж нь шатахууны хөдөлгүүртэй шинэ автомашинд үйлчлэх ажээ. Харин хуучин автомашиныг зах зээлд борлуулахыг зөвшөөрөх юм байна.

Хүлэмжийн хий ялгаруулдаггүй автомашины борлуулалт тус мужид сүүлийн жилүүдэд нэмэгдсээр байгаа аж. Хэдий тийм боловч нийт борлуулалтын маш бага хувийг эзэлсэн хэвээр байгаа юм. Өнгөрсөн онд гэхэд автомашины нийт борлуулалтын ердөө найман хувийг энэ төрлийн автомашин бүрдүүлжээ.

Б.Төгсбилиг | @TugsbiligB

Холбоо барих: tugsbilig.b@bloombergtvmongolia.com

minjma.g@bloombergtvmongolia.com