“Их 20”-ийн орнуудын Сангийн сайд нар олон улсын татварын шударга систем байгуулах чиглэлд хамтын ажиллагаагаа үргэлжлүүлнэ гэдгээ мэдэгдлээ.

Үүнээс өмнө компаниудад ногдуулах татварын доод хязгаар тогтоох АНУ-ын саналыг Франц болон Европын Холбооны орнууд нааштай хүлээн авсан байна. “Их 20”-ийн улсуудын Сангийн сайд нар болон Төв банкны тэргүүн нар лхагва гарагт цахимаар хуралдсан юм. Хурлын дараах мэдэгдэлдээ энэ талаар дурджээ.

Францын Сангийн сайд Бруно Ле Мэйр “Bloomberg” телевизэд өгсөн ярилцлагадаа "Компанийн татварын доод хэмжээг нэмэгдүүлэхэд бэлэн" гэж байр сууриа илэрхийлсэн байна.

Өнгөрсөн долоо хоногт АНУ-ын Сангийн сайд Жанет Йеллен компаниудад ногдуулах татварын доод хэмжээг 21 хувь болгох төлөвлөгөө танилцуулаад байсан юм.

С.Өнөрсайхан | @unursaikhan18

Холбоо барих: unursaikhan.s@bloombergtvmongolia.com

minjma.g@bloombergtvmongolia.com