Их Британийн Парламентын сонгууль болоход хоёр долоо хоног хүрэхгүй хугацаа үлдсэн энэ үед Хөдөлмөрийн намыг дэмжигчдийн тоо нэмэгдэж байна.

“The Independent” сонинтой хамтардаг “BMG Research”-ийн судалгаагаар Борис Жонсоны Консерватив намыг дэмжигчдийн тоо хоёр хувиар буурч, 39 хувь болжээ. Харин Жереми Корбины намых таван хувиар өсөж, 33 хувьд хүрсэн байна. Зургаан хувийн зөрүү гэдэг нь өнгөрсөн сарын сүүлээр явуулсан судалгааны зөрүүний тэн хагас нь арилсан дүн болж байна. Ням гарагт сонгуульд оролцогч гол намуудын хооронд телевизийн шууд мэтгэлцээн боллоо. Борис Жонсон, Жереми Корбины намаас гадна Либерал Ардчилсан нам, BREXIT нам, Шотландын Үндэсний нам зэрэг долоон гол намын төлөөлөл мэтгэлцжээ. Дараагийн мэтгэлцээн энэ баасан гарагт болно.

Н.Номин-Эрдэнэ | @Nominerdene_NDN

Холбоо барих: nominerdene.n@bloombergtvmongolia.com

minjma.g@bloombergtvmongolia.com