Зам, тээврийн хөгжлийн яам, НҮБ-ын Ази Номхон далайн эдийн засаг, нийгэмлэгийн комисстой хамтран "Бүс нутгийн тээвэр логистикийн хамтын ажиллагаа хөгжлийн зам" сэдэвт олон улсын бага хурлыг зохион байгуулж байна. Хоёр өдөр үргэлжлэх тус арга хэмжээгээр транзит тээврийн асуудал болон дотоодын тээврийн өртөг зардлыг бууруулах боломжийн талаар хэлэлцэж байгаа юм. Энэ оны хувьд Монгол, Орос, Хятадын эдийн засгийн коридор байгуулах хөтөлбөрийн хүрээн дэх 32 төслийн эхний шатны ажлуудыг хийж эхэлсэн. Үүний үр дүнд Ази Европыг холбосон тээврийн сүлжээ буюу транзит тээвэр тэр дундаа чингэлгийн транзит тээврийн галт тэргийн тоо өмнөх оныхоос хоёр дахин нэмэгдэж, 366 болсныг салбарын яам онцоллоо. Төмөр замын бүтээн байгуулалтаас зүүн болон хойд бүсийн төмөр замын төслүүд эхлэхэд бэлэн болсон байна. Мөн төвийн коридор буюу 1116 км төмөр замыг шинэчлэх ажлыг ОХУ-ын Засгийн газрын хөнгөлөлттэй зээлээр бүтээн босгох ажил хэлэлцээрийн шатанд явж байгаа юм.

Монгол Улсын хувьд, хоёр том хөршийн дунд оршиж Ази, Европыг холбох гүүр болох боломж харагдаж байгаа ч дэд бүтцийн хөгжил дутмаг байгаа нь үүнд чөдөр болж байна" гэж Азийн дэд бүтцийн хөрөнгө оруулалтын банкны ахлах зөвлөх мэдэгдсэн юм. Мөн бүтээн байгуулалтын ажлыг бага хүүтэй, урт хугацааны зээлээр шийдэх ёстойг дахин санууллаа.

Э.Төгөлдөр

Холбоо барих: Tuguldur.e@bloombergtvmongolia.com

Tsatsralt.b@bloombergtvmongolia.com