Европын Сэргээн Босголт Хөгжлийн банкны төлөөлөгчид энэ долоо хоногт Монголд ажиллах гэж байна. Айлчлалын үеэр төлөөлөгчид улс төр, Засгийн газрын төлөөлөлтэй уулзахаас гадна “Оюу Толгой” тэргүүтэй компаниудын үйл ажиллагаатай танилцах юм. Банкны зүгээс 2013 онд Монгол дахь стратегийн төлөвлөгөөгөө баталж хувийн хэвшил, банкуудад нийт 1.1 тэрбум еврогийн санхүүжилтийг олгоод байгаа ажээ. Санхүүжилт авсан аж ахуйн нэгжүүдээс дурдвал “МАК”, “Хас” банк, “Говь” компаниуд байгаа юм. Харин цаашид хүлээгдэж байгаа хамгийн том санхүүжилт бол “Оюу Толгой”-ийн далд уурхай аж. Европын Сэргээн Босголт Хөгжлийн банк болон бусад олон улсын 10 гаруй банкны түншлэл далд уурхайд шаардлагатай 4.2 тэрбум ам.долларын зээлийг энэ оны сүүлээр олгох хүлээлттэй байна. Тус банк нь тогтвортой хөгжил, хариуцлагатай уул уурхай болон дэд бүтцийг хөгжүүлэх мөн хувийн хэвшлийг дэмжиж эдийн засгийг төрөлжүүлэх төслүүдэд дэмжлэг үзүүлдэг ажээ.

Д.Хаш-Эрдэнэ

Холбоо барих: khasherdene.d@bloombergtvmongolia.com

minjma.g@bloombergtvmongolia.com