2019-2020 оны хичээлийн шинэ жилийн нээлтэд зориулан Монгол Улсын Ерөнхийлөгч Х.Баттулга сурагчдад теле хичээл заалаа.

Хичээлээр эх орон, тусгаар тогтнол, монгол хэл, соёл зэрэг сэдвийг хөндлөө. Ерөнхийлөгч Х.Баттулга теле хичээлээ эх орон гэх ойлголтоос эхэлж, түүх уламжлал, хэл соёлын нэгдмэл байдал нь эх орон гэх ойлголтын суурь багануудын нэг хэмээн онцолсон юм. Мөн эрх чөлөө, тусгаар тогтнолыг урт удаан хадгалахын тулд улс орон хөгжих ёстой, иргэд боловсролтой, эх оронч сэтгэхүй, ёс зүйтэй байх хэрэгтэйг багачуудад санууллаа.

2019-2020 оны хичээлийн жилд улсын хэмжээнд 644 мянган сурагч Ерөнхий боловсролын сургуульд суралцана. Энэ нь өмнөх жилээс 50 орчим мянгаар нэмэгдсэн үзүүлэлт болж байгаа ажээ. Оны эхний хагас жилийн байдлаар 50 орчим тэрбум төгрөгийг цэцэрлэг, сургуулийн 86 төсөлд зарцуулсныг төсвийн хөрөнгө оруулалтын тайлангаас харж болохоор байна. Энэ нь хөрөнгө оруулалтын гүйцэтгэлийн 17 хувийг эзэлж байгаа аж.

Б.Бямбасүрэн| @byambasuren_b

Холбоо барих: byambasuren.b@bloombergtvmongolia.com

minjma.g@bloombergtvmongolia.com