УИХ-ын ээлжит бус чуулганы нэгдсэн хуралдаанаар Өршөөл үзүүлэх тухай хуульд Ерөнхийлөгчийн тавьсан хоригийг хэлэлцэж, хоригийг хүлээж авах нь зүйтэй гэж үзэн УИХ-ын тогтоолын төслийг баталлаа. Монгол Улсад анхны ардчилсан сонгууль явагдаж, байнгын ажиллагаатай Парламент байгуулагдсаны 25 жилийн ойн хүрээнд Өршөөл үзүүлэх тухай хуульд Монгол Улсын Ерөнхийлөгчийн зүгээс хэсэгчилсэн хориг тавьсан юм. Өнөөдөр чуулганы нэгдсэн хуралдаанд УИХ-ын 59 гишүүн оролцож, хуулийн дагуу гуравны нэгээс дээш хувийн шаардлага хангасан 80-аас дээш хувийн дэмжлэгтэйгээр хоригийг дэмжсэн байна. Мөн УИХ-ын Хууль зүйн байнгын хорооны хуралдаанаар Өршөөл үзүүлэх тухай хуульд тавьсан Монгол Улсын Ерөнхийлөгчийн хоригийг хүлээн авах эсэх асуудлыг хэлэлцэн шийдвэрлэлээ. Асуудлыг чуулганы нэгдсэн хуралдаанаар өнөөдөртөө багтан хэлэлцэж, батлах юм.

Эргэн сануулахад УИХ-ын ээлжит бус чуулганаар Өршөөл үзүүлэх тухай хуулийг батлаад байсан ч Ерөнхийлөгчийн зүгээс авилга, албан тушаал болон өндөр хохиролтой залилангийн хэргүүдтэй хэсэгт бүрэн эрхийнхээ хүрээнд хориг тавиад байсан юм.

Б.Батманлай

Холбоо барих: batmanlai.b@bloombergtvmongolia.com

minjma.g@bloombergtvmongolia.com