Евро бүсийн үйлдвэрлэл болон үйлчилгээний салбарын өсөлт шинжээчдийн таамгаас давсан дүнтэй гарлаа. Дөрөвдүгээр сард худалдан авагч менежерийн нэгдсэн индекс 53.1-ээс 54 нэгж болж өссөн нь шинжээчдийн таамагласан 53.0 нэгжээс давсан үзүүлэлт болсон талаар “Markit Economics” төвийн шинжээчид онцолж байна. Ингэснээр 2014 оны хоёрдугаар улирлаас Евро бүсийн эдийн засаг үргэлжлэн өсөх дохио болж байна гэж шинжээчид үзэж байна. Европын Төв банкны Ерөнхийлөгч Марио Драги "Евро бүсийн эдийн засгийг бага зэргийн өсөлттэй байна" гэсэн нь энэхүү үзүүлэлтээр баталгаажиж байна гэж хэлж болохоор байгаа ажээ. "Украйны хямрал энэ сарын үйлдвэрийн салбарын худалдан авагч менежерийн индекст төдийлөн нөлөөлөөгүй. Харин богино хугацаанд инфляцийн түвшин хүлээлтээс доогуур байх нь эдийн засгийг дэмжих бодлогуудыг авч хэрэгжүүлэхэд хүргэж болзошгүй" гэж “Berenberg” банкны ахлах эдийн засагч Кристиан Шульц онцолж байна. 

Б.Дашням 

Холбоо барих: dashnyam.b@bloombergtvmongolia.com 

minjma.g@bloombergtvmongolia.com