Дэлхийн шуудан, ложистикийн салбарыг тэргүүлэгч “Deutsche Post” компани Европын ложистикийн тогтолцоог сайжруулахад 150 сая еврогийн хөрөнгө оруулалт хийхээ мэдэгдлээ. Тус компанид харьяалагддаг “DHL Express” компани өнгөрсөн гуравдугаар улиралд ашгийн хэмжээгээ 14 хувиар нэмэгдүүлж, 263 сая еврод хүргэсэн байна. Өнгөрсөн даваа гарагт “Deutsche Post” нисдэг төхөөрөмж ашиглан эмийн захиалгыг хүргэх туршилтыг амжилттай хийгээд байгаа аж. Харин “DHL Express Europe”-ийн гүйцэтгэх захирал Жон Пийрсон нисдэг төхөөрөмжийг шуудан тээвэрлэлтэд ашиглахад их цаг хугацаа шаардлагатай болохыг онцолсон байна. Үүнээс нэг долоо хоногийн өмнө “Amazon” компани үүнтэй адил нисдэг төхөөрөмжийг захиалгын хүргэлтэнд ашиглахаар судалгааны ажлыг эхлүүлсэн тухайгаа мэдээлж байсан юм.

 Б.Энхболд 

Холбоо барих: Enkhbold.b@bloombergtvmongolia.com

Munkhjin.ts@bloombergtvmongolia.com