Евробүсийн үйлдвэрийн үнийн индекс долдугаар сард буурсан дүнтэй гарчээ. Зургадугаар сард 0.8 хувиар буурч байсан Евробүсийн үйлдвэрийн үнийн индекс долдугаар сард дахин суларч өнгөрсөн оны мөн үеэс 1.1 хувиар буурсан үзүүлэлттэй гарсан байна. Энэ нь шинжээчдийн таамагтай дүйцсэн үзүүлэлт болсныг “Eurostat” онцолжээ. Харин барилга болон эрчим хүчний салбарын үнийг хасч тооцдог үйлдвэрийн үнийн суурь индекс долдугаар сард тогтвортой байсан байна. Өөрөөр хэлбэл суурь индекс жилийн өмнөхтэй харьцуулахад 0.1 хувиар буурсан үзүүлэлтээ хадгалжээ. Эдгээр мэдээллээс өмнө Евробүсийн үйлдвэрлэлийн салбарын худалдан авагч менежерийн индекс наймдугаар сард 50.8 нэгжид хүрсэн бол үйлчилгээний салбарын худалдан авагч менежерийн индекс 53.5 нэгж болж буурсан байна. 

Н.Алтан

Холбоо барих: altan.n@bloombergtvmongolia.com 

minjma.g@bloombergtvmongolia.com