Гуравдугаар сарын 16-ны өдрийн Токио-Улаанбаатар чиглэлийн тусгай үүргийн нислэгээр ирсэн 256 хүнийг ХӨСҮТ болон "Энхсаран" сувилал, Цэргийн нэгдсэн төв эмнэлэг, “Амар”, “Наранбулаг” зэрэг зочид буудалд 14 хоногоор тусгаарлаад байсан юм.

Эдгээр иргэдийн тусгаарлалтын хугацаа дуусаж байгаа бөгөөд ХӨСҮТ-д тусгаарлаад байсан 26 хүний давтан шинжилгээний хариу “Сөрөг” гарсан тул гаргасан талаар ХӨСҮТ-ийн Ерөнхий захирал Д.Нямхүү мэдээллээ.

Эдгээр хүмүүсээс гадна ХӨСҮТ-д тусгаарлагдсан 192, Цэргийн төв эмнэлэгт 42, Замын-Үүд боомтод 34, тандалтын тав гээд нийт 273 хүний давтан шинжилгээний хариу “Сөрөг” гараад байна. Мөн лхагва гарагт буюу дөрөвдүгээр сарын нэгний өдөр Сэлэнгэ, Дархан-Уул аймагт сэжигтэй хоёр тохиолдлыг тусгаарлажээ.

Үүнээс гадна шинэ төрлийн "коронавирус"-ийн халдварыг ХӨСҮТ-өөс гадна Эх хүүхдийн эрүүл мэндийн үндэсний төв, Ховд, Дорнод, Орхон аймгуудын Бүсийн оношилгоо эмчилгээний төв, Дархан-Уул аймгийн нэгдсэн эмнэлгийн лаборатори зэрэг зургаан газар зэрэг шинжилгээ хийж оношлох боломжтой болсон талаар Эрүүл мэндийн яам мэдээллээ.

Б.Төгсбилиг | @TugsbiligB

Холбоо барих: tugsbilig.b@bloombergtvmongolia.com

minjma.g@bloombergtvmongolia.com