Дархан-Уул аймагт нэг тохиолдол бүртгэгдэж, нийт тохиолдол 435 боллоо
Дархан-Уул аймагт бүртгэгдсэн сэжигтэй тохиолдол PCR шинжилгээгээр баталгаажиж, дотоодод батлагдсан тохиолдлын тоо 17.00 цагийн байдлаар нэгээр нэмэгдлээ.
Сүүлийн тохиолдлын ойрын хавьтал 62 хүнийг илрүүлж, тандалт судалгаа хийж байгаа юм байна. Дархан, Сэлэнгийн төмөр зам дагуу тархсан кластер өвчлөл бий болсон гэж ХӨСҮТ үзэж байгаа аж. Энэ хүрээнд Дархан-Уул аймагт хатуу хөл хорио тогтоож, Сэлэнгэ аймгийн төвийн бүх иргэнийг шинжилгээнд хамруулах шийдвэр гаргасныг Улсын онцгой комисс мэдээлсэн юм. Сэлэнгэ аймгийн кластер тархалтын тохиолдлын тоо дөрөв хэвээр байна.
Одоогоор дотоодод халдвар авсан хүний тоо 22 хүрээд байна. Үүнээс долоо нь ХӨСҮТ, дөрөв нь Сэлэнгэ, нэг нь Дархан-Уул, 10 нь Улаанбаатарын голомтод бүртгэгджээ.
Б.Энхжин
Холбоо барих: enkhjin.b@bloombergtvmongolia.com
minjma.g@bloombergtvmongolia.com