Хоёрдугаар сарын 26-ны өдөр буюу энэ баасан гарагт үйлдэх байсан Улаанбаатар-Сөүл чиглэлийн тусгай үүргийн нислэг цаг агаарын байдлаас шалтгаалан хоёрдугаар сарын 27-нд болж хойшлогдсоныг Гадаад харилцааны яам мэдээллээ. Энэхүү нислэгээр 250 орчим иргэнийг авчрахаар төлөвлөөд байгаа юм.

Үүнээс гадна ОХУ-ын “Sputnik-V” вакцины эхний ээлжийг татан авч байгааг Шадар сайд С.Амарсайхан мэдээллээ. Дараагийн татан авалтууд тасралтгүй хийгдэх бэлтгэлүүд хангагдаж байгааг тэрбээр тодотгов. Мөн иргэд тун удахгүй “коронавирус”-ийн эсрэг дөрвөн төрлийн вакциныг сонголтоор хийлгэх боломж бүрдэж эхэлнэ гэдгийг онцолсон байна.

Одоогийн байдлаар тус вакцинд Дэлхийн Эрүүл Мэндийн Байгууллагаас зөвшөөрөл олгоогүй байгаа юм. Ойрын хугацаанд эмнэл зүйн туршилт судалгааны үр дүнг үнэлж, баталгаажуулахаар ажиллаж байгааг Дэлхийн Эрүүл Мэндийн Байгууллагаас мэдээлээд байна.

Б.Энхжин

Холбоо барих: enkhjin.b@bloombergtvmongolia.com

minjma.g@bloombergtvmongolia.com