Оны эхний таван сард 6.3 сая тонн чулуун нүүрсийг 512.8 сая ам.доллароор экспортолсон талаар Гаалийн ерөнхий газрын урьдчилсан гүйцэтгэлд дурдлаа. Өнгөрсөн оны мөн үетэй харьцуулахад 2.3-2.4 дахин бага хэвээр байна. Нүүрсний гарц нэмэгдсээр байгаа бөгөөд тавдугаар сарын эцсээр Гашуунсухайт, Шивээхүрэн, Ханги боомтоор өдөрт гарч байгаа нүүрсний автомашины тоо 1000 давсан байна.

Оны эхний таван сард 557.9 мянган тонн зэсийн баяжмалыг 616.1 сая ам.доллароор экспортолсон талаар Гаалийн ерөнхий газрын урьдчилсан гүйцэтгэлд дурджээ. Өнгөрсөн оны мөн үетэй харьцуулахад биет хэмжээгээр 10 хувь, мөнгөн дүнгээр 31 хувиар буурсан байна. Зэсийн баяжмалын экспортын 53 хувийг Гашуунсухайт боомтоор гаргажээ. Тус боомтоор зөвхөн “Оюу Толгой” компани экспорт хийж байгаа юм.

Оны эхний таван сард 58.5 мянган тонн цайрын хүдэр, баяжмалыг 71.2 сая ам.доллароор экспортолсон байна. Жилийн өмнөхтэй харьцуулахад биет хэмжээгээр 10 хувь, мөнгөн дүнгээр 26 хувиар буурчээ. Засгийн газар өндөржүүлсэн бэлэн байдлын хугацааг сунгасантай холбоотойгоор гол экспортлогч “Цайрт минерал” компанийн үйлдвэрлэл долоодугаар сараас зогсох эрсдэлтэй байгаа талаар тус компани мэдээллээ. “Цайрт минерал” компани 27 орчим мянган тонн цайрын баяжмалын экспортлоод байгаа юм.

“Цайрт минерал” ХХК-ийн Ерөнхий захирал С.Батхүү

Т.Элиса | @elisa_elisat

Холбоо барих: elisa.t@bloombergtvmongolia.com

minjma.g@bloombergtvmongolia.com