Зайнаас ажиллах тухай зохицуулалтыг тусгасан Хөдөлмөрийн тухай хуулийн шинэчилсэн найруулгын төслийг УИХ-аар хэлэлцэхээр болоод байна. Энэхүү хуулийн төсөлд хөдөлмөр эрхлэлтийн гурвалсан харилцаа, бүтэн бус цагаар ажиллах талаар заалт оруулсан нь анхаарал татаж байгаа юм. Түүнчлэн байнгын ажлын байранд хөдөлмөрийн гэрээг хугацаагүй байгуулахаар зохицуулжээ. Харин жилийн өмнө батлагдсан шинэчилсэн хуульд “Цагaaр ажиллах” гэсэн зүйлийг шинээр нэмээд байсан юм. Ийнхүү технологийн хэрэглээ нэмэгдэж байгаа энэ үед зайнаас ажиллах асуудлыг хуульчлахаар яригдаж байна. Дотоодын компаниудаас “ITZone” компани ажилтнуудаа зайнаас ажиллуулах туршилтыг эхлүүлээд байгаа талаар өмнө нь мэдээлсэн юм. Хөдөлмөрийн тухай хууль нь хөдөлмөр эрхлэгч болон ажил олгогч хоорондын гэрээ байгуулсан харилцааг зохицуулна. Өөрөөр хэлбэл албан бус хөдөлмөр эрхлэгчдийн асуудлыг энэ хуулиар бүрэн зохицуулж чадаагүй байгаа хэмээн Хөдөлмөр, нийгмийн хамгааллын сайд С.Чинзориг мэдээллээ.

Хөдөлмөр, нийгмийн хамгааллын сайд С.Чинзориг

Үндэсний статистикийн хорооны мэдээгээр Монгол Улсад нэг сая 200 мянган ажиллагсад байгаагийн 400 гаруй мянга нь албан бус хөдөлмөр эрхлэгчид байгаа ажээ.

Э.Анхбаяр

Холбоо барих: ankhbayar.e@bloombergtvmongolia.com

minjma.g@bloombergtvmongolia.com