БНХАУ-ын Шэньжэнь хотод орон сууцны үнэ оршин суугчдынх нь жилийн дундаж цалингаас 43.5 дахин өндөр байгааг үл хөдлөх хөрөнгийн “E-House Enterprise” компани тооцоолсон байна.

Улмаар дэлхийн томоохон 80 хот дундаас орон сууц өмчлөхөд хамгийн хүндрэлтэй хоёр хотын нэг болж байгаа аж. Шэньжэнь хотын оршин суугчдын ердөө гуравны нэг нь л орон сууц өмчилж байгааг “E-House Enterprise” онцолжээ.

Энэ нь АНУ-ын Сан-Франциско, Сиатл зэрэг хотынхаас ч тааруу үзүүлэлт болж байгаа юм. Хэдийгээр Шэньжэний эдийн засаг хурдацтай тэлж байгаа ч тус хотын хамгийн том асуудал нь орон сууцны нийлүүлэлт болж байна.

Тус хотын нийт орон сууцны ердөө 12 хувийг иргэд худалдан авах боломжтой байгаа аж. Гэтэл Шэньжэний оршин суугчдын тоо сүүлийн 40 жилд 42 дахин өсөөд байгаа юм.

О.Адьяасүрэн

Холбоо барих: adiyasuren.o@bloombergtvmongolia.com

minjma.g@bloombergtvmongolia.com