БНХАУ-ын банкнууд юанийн ханшийг тогтоохдоо улирлын нөлөөний эсрэг хүчин зүйлийг тооцохоо больж байгаагаа мэдэгдсэн нь юанийн ханш хэрхэхийг урьдчилан тааварлах боломжгүй болголоо.

БНХАУ-ын Ардын банканд мэдүүлдэг байсан энэ үзүүлэлтэд тулгуурлан тус улсын Төв банк юанийн бусад валюттай харьцах албан ханшийг дээш, доош хоёр нэгж хувь хэлбэлзэх боломжтой хязгаартай байхаар зарладаг байсан аж. Энэхүү шийдвэрийн дараа оффшор юанийн ханш бараг 0.3 хувиар суларч, нэг ам.доллар 6.7234 юаньтай дүйсэн байна.

Юанийн ханш тавдугаар сарын үеийн сул түвшнээсээ бараг зургаан хувиар өссөн нь сүүлийн хоёр жилд байгаагүй өндөр үзүүлэлт болоод байсан юм. БНХАУ цар тахлын эдийн засагт учруулсан сөрөг нөлөөг амжилттай гэтэлгэсэн нь юанийн ханшийг дэмжээд зогсохгүй ам.долларын ханш суларсан нь ч нөлөөлжээ.

Г.Ану | @AnuHarchu

Холбоо барих: anu.g@bloombergtvmongolia.com

minjma.g@bloombergtvmongolia.com