БНХАУ-ын шигшээ баг энэ удаагийн хөлбөмбөгийн Дэлхийн аварга шалгаруулах тэмцээнийг өнжиж байгаа ч тус улсын компаниуд ихээхэн хэмжээний орлого олох төлөвтэй байна. Тодруулбал, БНХАУ-ын брэндүүд сар гаруй хугацаанд үргэлжлэх Дэлхийн аварга шалгаруулах тэмцээний үеэр зар сурталчилгаанаас олох 2.4 тэрбум ам.долларын гуравны нэгийг дангаар бүрдүүлж магадгүй гэж "Publicis Groupe"-ийн харьяа “Zenith” байгууллага тооцоолжээ. БНХАУ-ын “Dalian Wanda”, “Hisense”, “Vivo” болон “Yadea” зэрэг компаниуд Дэлхийн аварга шалгаруулах тэмцээний үеэр Олон улсын хөлбөмбөгийн холбоотой гэрээ байгуулан ажиллаж байгаа аж. "ОХУ-д болж буй Дэлхийн аварга шалгаруулах тэмцээн БНХАУ-ын брэндүүдэд маш чухал маркетингийн гарц болж байгаа" гэж “China Sports Media” мэдээлжээ. БНХАУ-ын шигшээ баг хамгийн сүүлд 2002 оны Дэлхийн аварга шалгаруулах тэмцээнд өрсөлдсөн юм. Харин энэ удаагийн тэмцээнийг телевизээр үзэгчдийн тоогоор БНХАУ хол тасархай тэргүүлэх төлөвтэй байгаа аж. Учир нь Москва хот Бээжингээс 5 цагийн зөрүүтэй, ингэснээр үдээс хойших тоглолтуудыг БНХАУ-ын үзэгчид оройн оргил цагаар үзэх бүрэн боломжтойг шинжээчид онцолж байна.

Б.Ариунболд

Холбоо барих: ariunbold.b@bloombergtvmongolia.com

minjma.g@bloombergtvmongolia.com