БНХАУ-ын бизнес эрхлэгчдийн итгэлийн индекс энэ оны IV улиралд 67.8 хувь болж саарсан нь 2017 оны II улирлаас хойших доод түвшинд тооцогдож байна. Бизнес эрхлэгчдийн итгэл буурахад тус улсын Засгийн газрын эдийн засгийн бодлого, өрийн түвшин дотоод хүчин зүйлсээр нэрлэгджээ. Харин гадаад хүчин зүйлсээр "Худалдааны дайн", олон улсад эдийн засгийн өсөлт саарч байгаа зэрэг асуудлууд дурдагдсан байна. БНХАУ-ын эдийн засгийн өсөлт энэ онд Засгийн газрын зорилтот 6.5 хувьд хүрэх урьдчилсан таамагтай байгаа юм. Хэдий тийм боловч "Худалдааны дайн"-ы нөлөөгөөр ирэх онд эдийн засгийн өсөлт буурах төлөвтэй байгаа гэдгийг тус улсын эдийн засагчид онцолж байна.

Б.Анхтуяа

Холбоо барих: ankhtuya.b@bloombergtvmongolia.com

uyanga.m@bloombergtvmongolia